தமிழ், தெலுங்கு என இரு மொழிகளில் மட்டுமே இப்போதைக்கு அசின் ஆர்வம் காட்டுகிறார். மலையாளத்தை இப்போதைக்கு பெரிதாக அவர் கண்டுகொள்வதில்லை. காரணம் இந்த இரு மொழிகளில் மட்டுமே நல்ல டப்பும், தனி ஆவர்த்தனம் செய்ய பெரிய அளவில் வாய்ப்புகளும் கிடைப்பதால். இரு மொழிகளிலும் முன்னணியில் உள்ள இளம் ஹீரோக்களுடன் மட்டுமே நடிப்பது என்பதும் அசினின் கொள்கை முடிவாம். கமல் போன்ற ஒரு சில மூத்த ஹீரோக்களுக்கு மட்டும் விதி விலக்கு உண்டாம்.

இளம் ஹீரோக்களிலும் கூட எல்லோருடனும் சேர்ந்து நடிக்க விருப்பம் இல்லையாம் அசினுக்கு. அதாவது தமிழ் என்றால் விஜய், அஜீத், விக்ரம், சூர்யா என சிலருடனும், தெலுங்கிலும் அதேபோல செலக்டிவ்வாக சிலருடனும் மட்டுமே நடிப்பாராம் அசின்.

  









































இந்த வட்டாரத்தை பலப்படுத்திக் கொள்ள சம்பந்தப்பட்ட ஹீரோக்களின் மனைவிகளுடன் படு நெருக்கமான நட்பை ஏற்படுத்திக் கொள்கிறாராம். அதன் மூலம் தொடர்ந்து தனக்கு அந்த ஹீரோக்களுடன் வாய்ப்பு கிடைக்கும் என்பதால் இந்த ஐஸ் நட்பாம்.

இப்போது விஜய்யின் மனைவியும், அசினும் நெருங்கிய தோழிகளாகி விட்டார்களாம். படு அன்னியோன்யமாக பேசிக் கொள்ளும் அளவுக்கு தோஸ்துகளாம். அதேபோல விஜய்யின் அம்மாவுடனும் நட்பை ஏற்படுத்திக் கொண்டு விட்டார் அசின். இதேபோல, அஜீத்தின் மனைவியான நடிகை ஷாலினியுடனும் இப்போது நட்பாகியுள்ளாராம் அசின். வரலாறு படத்தின்போது கூட ஷாலினியுடன் அசின் பழக்கம் ஏற்படுத்திக் கொள்ளவில்லை. ஆனால் இப்போது ஆழ்வார் படத்தின் ஷýட்டிங்கின்போது ஷாலினியுடன் தோஸ்த் ஆகி விட்டாராம்.

விக்ரமின் மனைவியும் கூட அசினுக்கு பிரண்டுதானாம். இப்படி தான் விரும்பும் நடிகர்களின் குடும்ப வட்டத்திற்குள் புகுந்து விட்டால், அடுத்தடுத்து தனக்கு வாய்ப்புகள் வந்தவண்ணம் இருக்கும் என்பது அசினின் கணக்காம்.

அப்படியானால் சூர்யாவின் மனைவியாகி விட்ட முன்னாள் போட்டியாளர் ஜோதிகாவுடனும் நட்பை ஏற்படுத்திக் கொள்வாரா அசின் என்று கேட்கிறார்கள் குசும்பர்கள் சிலர்.